تباهى بي على ركب الحياة و جرّة المنقود تباهى و الصباح يبّث نوره من تلفّاتك حبيبي لا تقول إن الرضا و الجود ف الماجود و أنا ثلثين عمري ضيعته من بسمة شفاتك أنا ظلّك و أنا كلّك و أنا مشوارك المعهود من أضغاث الحياة القاسية لـ أحضان ضحكاتك .

في سماء حضنك عن الدنيا وما فيها سليت يا عوض ربّي على قلبي وجنّة مشتهاه عوّدت روحي ومن لجّة بحر حزني نجيت جيت لك غارق وجيتيني مثل طوق النجاة لو بذلت الروح لجل أفدى عيونك ما وفيت ما عطيتيني حنان أنت ِ عطيتيني حياة .

ياسليلة بيرقٍ فالمواقف مايطيح يوم يمنى الموت بين القبايل طايله ماطمعت الا بقربك على الوجه الصحيح لو خيل الحظ مـن دون قربك صايله من تلذذ وصلك العذب يا الترف المليح ما قعد برق الرجا كل ليل يخايله عرّب عياله على اسمٍ يضيّفه المديح من يضيف اسمك رباعي بكرت العايله .

يا جميلة أخذي من الصدر طرّاف المحاني و اسهري فيها و شبّي من ضلوع الصدر نارك لو أكابر عن هوى عنقك و سلسالك تراني أخذ من الليل ثلثينه سهر .. و أمرّ دارك وش فعل جارك عشان يجاورك وأنا مكاني أكبر أمانييّ أرضي خالقي .. و أصير جارك .

جادلٍ لو تدعي الشمس في وقت الغروب عودت تطلع على الناس من شرقيّها بس فيها عيب واحد من آصناف العيوب كل عاده عند آبوها تسوي زيّها لاشعم ضوه وشرّع محله من جنوب شرعت صدري وقامت تشب ضويّها .

سرحت بخيالي فيك وأسهبت فالتفكير وطلّعت كل اللي .. مخبّى ورى صدري ما تمنعني حدود المسافة عن التعبير أنا توّي مسولف معك .. وأنت ما تدري .

في سماء حضنك عن الدنيا وما فيها سليت يا عوض ربّي على قلبي وجنّة مشتهاه عوّدت روحي ومن لجّة بحر حزني نجيت جيت لك غارق وجيتيني مثل طوق النجاة لو بذلت الروح لجل أفدى عيونك ما وفيت ما عطيتيني حنان أنت ِ عطيتيني حياة .

طيفك هو المرحبا والمسهلا والسرور وشوفك هي المنوه اللي صعب تحقيقها لك الغلا والتفاني والشعر والشعور وروح تشوف ان وجودك ضمن توفيقها وقفت بين احتياجي لك وبين العبور وما بين شرهات الاحباب ومواثيقها من كثر ما اشوف وجهك في وجيه الحضور صرت اقبل وجيه ناس ٍ كنت ما اطيقها .

أحبّك وأعاف أقرانك اللي مشوا بالأرض وأقود أول آحساااسي معك قود الاعنّه ورا عينك اللي تملك القلب طول وعرض مفازه من النار وطهاره من الجنّه هذا قلبي اللي في ضلوعه دخلتي عرض أردّه عن وجيه الغنادير وأحنّه نحب وتحل اول محبّة مقام الفرض وما بعدها مثل النوافل من السنّه .

مرحبا ياقبلة الغيد والعد القراح ليه ماارحب وانا فاهم اسلوبك فهم من صدفتك والقصايد لياليها ملاح كن ما فيها سهر عين واحزان ووهم نظرتك يوم ايّس القلب منّك واستراح كيف ترسلها مودّه وتاتيني سهم ما يهم ان العلاقه تكلّل بالنجاح المهم اني مخليك في قلبي الاهم .

الهنوف اللي شعرها على اللبّه خُصَل للخجل في خدها لون شمسٍ في زوال حالفٍ ماتوب عن حبها مهما حصل لو عطوني من كنوز الذهب كبر الجبال ليتني بين النهد والنهد همزة وصل في مضيقٍ بين الاثنين نقطة إتصال ياهنوفٍ حسّنها صل واعي القلب صل ارحمي حالي وانا حاضر في كل حال .

تبسّم وواجه الدنيا بـ وجهٍ سفر حتى التبسّام فـ الوجه العبوس صدقه ㅤ من علّق امال عمره في العرب ماظفر يعيش ويموت عاد اماله معلّقه ㅤ مثل ما ينشاف في وجه الشجاع الظفر تنشاف في المومنين الصادقين الثقه ㅤ و ثنتين لامن تولّاها البنادم كفر الثروه الفاحشه و السلطه المطلقه .

اييييه ياللي كل ما جيت ابالغ في القصيد شفتك.. ابلغ من قصيدً على بالي طرى فارق بـ منطوقك اللي على زينك يزيد مثل ما يفرق عن المدن صيت ام القرى انت لو تغيب عنّي و تتركني وحيد والله ان يبطي بي الجرح منّك ما برى حافظً حبّك.. و مخفيه في مجرى الوريد كن ما به عين شافت ولا حيً درى .

يا هنوف وضّحت معنى الكرامه والنزاهه والثقه والكبرياء والحسن والنفس العنيده اقبلي دعوة عزيز ساق لك وجهه وجاهه تارك خلفه جموع وجاي في يدينه قصيده .

حفظتها في خافقي حفظ المصلّي للصلاه وداريت سمعتها وصنت العهد لأجل عيونها تبغي الصحيح أحبها والحب نبراس الحياه لا تنشدوني عن بنود العهد وش مضمونها صدّيت عن كل البنات ومن دعاني قلت هاه لبّيه .. ذاخرها لـ نبرتها وجرّ لحونها .

أمشيهم على كيفي و أخليهم ذهاب اياب و من يذهب على كيفي أحدد موعد ايّابه ما دام البشر من طين أو خلنا نقول تراب أنا من جيت للدنيا أدوس الطين و ترابّه .

إذا حسّيت بالغربه وضيّعت الديار منين بتلقاني على نفس المكان آقلّب اوراقي تعال وزاحم ظنون الحنين وعتمة التخمين انا احتاجك طمأنينه تصبّ الضيّ باحداقي .

تهاونت البعاد وغنّت الفرقا على .. ليلاك عليك من الملام اللي يزل وتخطي أقدامه سريتك حلم وعيونك طريقي وانقضى مسراك مثل ما ينقضي عمر اليتيم وتذبل أعوامه سلام الله على صدق الشعور وطلة محيّاك سلام اللي سمح من رغبته ومْن أكبر أحلامه .

يا غاية الشعر العفيف و فرحة الصدر الحزين خذ ما تبي من "مُنطلق الانصاف" و اترك ما تبي مانيب ذاخر دون رغباتك صعيب و لا ثمين لك كل شيءٍ تملكه كفّي عطا و الا سبي بعد عرفتك صرت أشوف المغريات بـ نص عين قناعةٍ فيني و أنا ماني سفيه و لا غبي و من "مُنطلق الانصاف" قلبي لا تبيعه مرتين…

ماجيت اسمّعك الكلام الي تبيه جيت اودِع الذكرى القديمه فـ اللحد خل الكلام الحاد والرأي الوجيه يمكن يكون الأعتراف اقسى وأحد ماكنت وجه وبس من ضمن الوجيه إنسان عاهدني على شي وجحد أنت الشعور الي ماقد حسّيت فيه وانت الكلام الي ما قد قلته لأحد .