جعل نصري بـ آخر المشوار يركز بـ الثريّا لو ثلاث أرباع عمري الأوله راحت هزايم ! _ بدر بن ذنبوح
لا صار ما يدري بخافيك غير انت ترتاح لو انك عن الدرب غادي. - ذعار الفريدي
يامايس القد مايستاهلك غيري لو خلفك الناس مفتونه ومنجنه ضحك لي الوقت بعدك ضحك هستيري وانا من اول يادوب ألمح طرف سنه يحتاج لـ الزين هذا موكب أميري يراقب اخطاه ويداريه ويحّنه كل الوجيه ابتسامتها .. عمل خيري وانت ابتسامة ثغْرك .. تدّخل الجنه
عليك الغلا مرّدود يـ الغايب الموجود سوالفك " غابت "مير طرياك ما غابت غيابك حضورً له بـ صدر البيوت شهود وش الي يغيّب ضحكتك والغلا ثابت ؟ أحنّك مثل ما أحن وجهي مِن المنقود وأعدك ليا عديت .. الأيام وش جابت !
مساء الخير ي غالين اماّ بعد : عاشقٍ غادي بـ حبك والله ان ماهوب غادي لو ورا حبك يبيع العمر و يضيّع سنينه - فهد بن خشمان
یا مملوح إنتظرني لين أجيك وخاطري منساح تلاشت حيلتي و أنت إنجبرت تجرب فراقي لعل الغيبة تزيد الغلا و تليف الأرواح و أعود لك بشوق يختلف عن ماضي أشواقي على متني هقاوي غالي كنها حصاة رزاح ومتني مرتكي لو خطوتي مدري وش تلاقي ؟
يا مل قلب تقول يلامسه جمره بين المعاليق كن النار تصلاني من حرها .. أذكر حرارة جمرة السمره إليا علق عودها ما فيه دخاني ولا أونستها غير عقب عساسة الحمره ومواجه اللي سهم عينه تمثناني - عبدالله بن عون
" اقبلت ياوجه الغلا .. حيّ هالزول زول ٍ تغيب عباد ربّي ليا غاب تطلع طلوع سهيل من حول لـ حول وتشّخص لك عيون .. وتلافت لك أرقاب
يابعد من نزل بين الضلوع ورحل لاتطول قصير / ولا تقصر طويل ليلةٍ ماتجيبك وانت راعي محل جعلها ماتجيبك وانت عابر سبيل
ما كنت أغبط الحكومات بممالكها وصرت أغبط الحاشي المفرود والناقة صفرٍ لا شافتك دكّت من مباركها تبادلك بالمشاعر ولف وعشاقة على شماغك تعبّر عن مداركها وعلى طرف متنك تقول لْك مشتاااقة
حوّلت في وسط صدري كنها "هضبه طميّه" واستباحت في حشاه وبادت همومه اباده —ريان العياضي
United States Trends
- 1. $CUTO 7.631 posts
- 2. #ASKJAGE N/A
- 3. Jaguar 180 B posts
- 4. #wednesdayfeelings 2.476 posts
- 5. Hampton Inn 3.254 posts
- 6. DeFi 112 B posts
- 7. Hump Day 15,9 B posts
- 8. $TGT 3.115 posts
- 9. Good Wednesday 30,6 B posts
- 10. #WednesdayMotivation N/A
- 11. #20Nov 4.889 posts
- 12. Jay Leno 6.313 posts
- 13. #TheHeartKillersEP1 163 B posts
- 14. Hobi 61,3 B posts
- 15. Happy Hump 9.880 posts
- 16. Linda McMahon 59,5 B posts
- 17. Nancy Mace 137 B posts
- 18. FY REACT BLANK SS2EP6 98,5 B posts
- 19. Susan Smith 1.270 posts
- 20. Bud Light 7.243 posts
Something went wrong.
Something went wrong.