احس روحي لحقها قل جهد ؛ وفتور من كثر ما احترت في أحلامي وحيرتها عودتها كل من يبعد بعيد معذور وعمرتها ، بالتسامح لين دمرتها احيان اقول ليت الله خلقنا طيور حتى اقدر اتلاحق الفرصة ؛ لا طيرتها او ياليت ربي مكملني | بقلب صبور ان كان نفسي من ( الأوهام ) حررتها

اتجنب عن الصجة ادور لعمري الراحه وجلست اقلب ماصارلي من الذكريات مابي الحزن لكن انه ماخذ بصدري مساحه ابعد عن الناس لادريت ان ضيقتي جات انا اللي انقال عنه شجاع وقصيده سلاحه وانا اللي انقال عنه حي ويحتري الممات سيطر علي الهم والضيق وتبون الصراحه في وصف حزني تعجز القصايد والأبيات

ماغرتني ظروف الليالي والايام رغم الآلم لا زلت اتبع طموحي آمر مثل الفرحه بقلب الآيتام آداوي المجروح وآنسى جروحي آشيل هم الناس ودروبي حطآم لا ضاق صدري شلت همي بروحي بخير لو خابت ظنوني والآحلآام بخير والخآطر رضي و سمووحي .

البارحه قلبي حداني عن النوم وصل من اللوعات يا ناس حده تهيض بجرحٍ عن الناس مكتوم عجزت ضلوعي بالحشا لا ترده يصرخ بتالي الليل صرخات مظلوم غششوه ناسٍ تدعي بالموده ياللي عذلت الحال لا تكثر اللوم لو جاك ما جانا نسيت المخده

خذاه النصيب ولاعطاني سوى فرقاه ودفعت الكثير اللي وراي وتخسرته يقولون لي دور على مثله وتلقاه وانا اقول هذا باب .. فتحته وسكرته عذرته وسامحته عل كل ماسواه ومديت له يمنى المفارق وودعته احبه ولكن خاطري جاه ماكفاه يكفيني اني لاجرحته ولا اوجعته.

يوم شفته يبا الهجران من دون سّبه وقام يكثر علي من العتب و يتشرّه قلت درب الفراق اللي تطرّيه ذبّه واخذ معك الغلا الباقي بخيره وشّره قال قلبك قسى بعد الوفاء قلت كبه ما بقى في مداهيله للاشواق جرّه من طروق الغرام ومن دروب المحبّه سامح ٍ خاطري ماعاد لي شف مرّه

أبكي وداعك ولا ودي تشوف الدموع ياللي وداعك علي اقسى من أية وداع الله كتب تنتهي العشرة وتطفى الشموع مات الامل في رمال الياس والحلم ضاع خلاص معاد في قلب المقفي رجوع من يوم جرحك سطابه ساقها للضياع ودعتك الله ولا ودي تجف الدموع ياللي وداعك مابعده في حياتي وداع

لاصار قلبك ماقدر يحتويني حرام احبك واتبعك واتمناك يكفيني من الصدق رعشة يديني ويكفيني من الحب طيفك وذكراك حتى لو ودك تجيني لا تجيني ضيعت مايكفي من العمر وياك محتاج اعيش الي بقى من سنيني مافكر بوصلك ولا خاف فرقاك

يكفيني اني ما لحقتك بنقصان وحتى الخطا منك قبلت وعذرته وعلى كثر ماصابني منك خذلان الا ان قلبك بالجفا ما کسرته حاولت اداري خاطرك قدر الامكان و يا للأسف طیبي جحدت و نكرته رح و الدروب وساع والطيب معان و لاتلتفت في قلبي اللي دمرته .

ماحزنت الا على هقواتي وطيبي وظني يوم كنت اظنه اطيب من على الدنيا لقيته كنت اشوفه قطعه من قلبي وروحي ومني وكنت اشوفه كل حلم وكل شي قد بغيته ماهقيت انه بيحزني وعاده بيغبني في وفاي اللي وفيت وفي غلاي اللي عطيته ابتعد عني وهو ناذر نذر مايغيب عني يلعن الله كل عهد وكل طيب قد هقيته

الجفا له طريق وللمحبه دلايل وانا ماعاد اشوف لحبك ايّة دلاله غيرتك الحياه وشفت منك الهوايل وشفت بان القطاعه حاصله لامحاله باقي منك في جوالي اربع رسايل كل ماشفتهن قلت الغلا وش جراله ! يوم انا عايفٍ فيك العوض والبدايل بعتني بيعة اللي سامحٍ من حلاله.

اتصدد واتغاضى لو منيب متغاضي واتبسم فِ وجيه الناس واضحك معها واتليهى فِ بعض الأشياء لو اني فاضي واتأمل فِ شروق الشمس من مطلعها مذهبٍ فِ كبدي من الحزن جمرٍ لاضي ودي احكي غير نفسي عزها يمنعها فاقد لي واحد والله .. م يعتاضي ادري انه غاب بس العين كيف اقنعها .

ياقلبي اللي ما قدرت الحق جزاك اسف على جور الليالي والسنين ماعاد باقي لك من الماضي هذاك ألا بقايا .. من شعور ومن حنين يا كثر ما علمتك ولا الله هداك ماهيب لا مره .. ولا هي مرتين اغلب مشاكلك الكبيره من وفاك ما عاد لي قدرة لـ تلويح اليدين

يكفيني رحلت ولا حصل مني خطا وقصور وانا حتى وداعي فيه بصمه تثبت اخلاقي تخير فالديار اللي يغشيها ظلام ونور وفرق النور بالظلمه يبين غلطة فراقي تمرك ليلة تطغى مشاعرها على المغرور تدور فالبشر مثلي ولكن صعبه تلاقي فمان الله يا اخر محطه والسنين تدور فمان الله والهقوه تخيب هقوة الهاقي

والله ان صدري معافى وخفوقي نظيف لو أشوف الحزن في عين حسّادي زعلت الملامح بعض الأحيان تظهرني عنيف ولا أنا بالكلمة الطيبة .. ماقد بخلت أقبل بوجهٍ يشرّف ومنطوق عفيف ولا لقيت اللي ينقص من حضوري رحلت أتعدّا عن عيوب البشر كني كفيف ولا تبيّن شي للعين جنّبت .. وغفلت

ماني ضعيف إيمان لكني انسان تجرحني الكلمة ويقتلني الظن قصة مشاعر خلفها الف خذلان عاشت وكبرت مثل مايكبر السن انا ضحية صمت في ظلم الأزمان صابر واقول الجاي يارب احسن ياكثر شرهاتي علئ ماضي كان وياكبر هقواتي علئ احلام ماجن

علّم اللي ينكر الطيب والعشره سنين علّم اللي بعت غيره وغيره ماشريت ودنا بالقرب والقرب .. عيا لا يحين كل ما لانت له الروح قلبه يستميت واهنيّه يرقد الليل ، مابيّح كنين ولا انا يرفع لصوت المساجد ماغفيت علموه ان المفارق على المشتاق شين وعلموه ان كان ناسي تراني مانسيت

شرعت لك بيبان قلبي ورحبت قلت الله الله بقلب شافك أمانه تركت كل الناس ما همني إلا أنت ضميتك لصدر تباهى بحنانه علي أنا بالذات وشلون مالنت ؟ هزمتني وقلبي مايرضى الإهانة غلطت اني بقلبك تعشمت وانا خسرت اليوم قلبي ورهانه من قسوة أفعالك تراني تعلمت كل الجروح تهون إلا الخيانه

ماطابت خواطرنا، لكن للظروف أحكام وأنا في رجا الله يوم أنا من ضحاياها لي الحين عن لذة وصالك ثمان أعوام وعن الضحكه اللي يوجع الصدر ذكراها من الحب ما أعاتب طواريك قبل أنام لها الحق يوم أسهر لها وأتحفاها ! ولك فـ الضلوع اللي تشيلك غلا وهيام خذاك القدر منها .. ولا عشت وياها

واهني اللي دموعه ماتجف من المحاجر مابعد جارت عليه الدمعة اللي ماذرفها كن في كبدي مثل طعن الهنادي والخناجر علةٍ عيّا الطبيب من المداوي ماصرفها اتوجد جعلني في كل ماجاني مواجر كل يوم اشوف لي مهنة توجّد واحترفها ياوجودي كل ماعرّض علي طيرٍ مهاجر ودي اهاجر معه للديره اللي ما اعرفها

وقلب جرحته لاتحاول تداويه خله يعاني من قساوه طعونك بالله قلي ماحصل وش تسميه أغلى حبيب لك بلحظه تخونه حاولت بك ولاحصل شي ابيه وخيبت ظني خيب الله ظنونك تصفي لغيري بالمحبه وتغليه وتبيع ناس بالموده يبونّك