أجلس لحالك واطلق الفكر بالكون ترتاح وتريّح دماغك من الناس .. . أدفع لراحة نفسك البُعد عربون أربح مزاجك عن جدال ووجع راس .. . أفرح ليا قالولك الناس مجنون تراك عاقل والفوارق بالإحساس .. . وماهو ضروري عنك الأشرار يرضون مجامل الأشرار مافيه نوماس ..

ياربي الرزق بيدينك مفاتيحه مايملكون البشر قفله ومفتاحه .. . يالله برزقٍ يسر البال وْيريحه والنفس تنعم معه بالخير والراحه .. . نحتاج والحظ له قومه وله طيحه والقلب حسن الظنون بربه سلاحه .. . دام الرجاء فيك والعةٍ مصابيحه قلبي هموم الليالي صعب تجتاحه ..

أجادل العرّاف وأصحاب العقول وإلا سقيم العقل ليه #أجادله .. . لافاهم قولي ولا أفهم وش يقول أبعد عنه لو الحديث أمبادله .. . وأقابل الأخصام والقالي حلول والحق لوهو من سفيه انقادله .. . إنسان عادي لانبي ولا رسول لكني أطمح #للحقوق_العادله ..

لوكانت الأرزاق بيدين مخلوق ماشفت منها مايسدك ويغنيك .. . لاكنها تقسم من المعتلي فوق هو الذي لا شحوا الناس يعطيك .. . أسمع كلامٍ صح والعلم موثوق اللي خلقك من العٓدٓمْ مايخليك .. . وأرفع يدينك كل ماصار لك عوق للواحد اللي لا توكلت يكفيك ..

بعض البشر يقضي حياته خسارهـ عايش مراسل في وكالة يقولون .. . في نقّلت النمّه مقضّي نهارهـ يطرد وراها بالعجل تقل مجنون .. . وفلان فيه وفيه هاذا شعارهـ .. والقلب كاسيه الحسد تقل طاعون ..

ريح ضميرك وأترك القيل والقال وأبعد عن أسباب المشاكل وترتاح .. . ما أنته بمكلوف بتعديل الأحوال ومالله خلقك لمخطي الناس مصلاح .. . بعض المشاكل تاكل لحال والمال دوامة من طاح في بطنها راح .. أنصح مادام النصح يلقى له إقبال وأبعد مادام الناس ماتقبل أنصاح ..

ثلاث ودك يعرض الشخص عنها #الكذب #واعراض_البشر #والظلايم .. . وثلاث ودك يقرب الشخص منها #الصلح #والاحسان #والخير_دايم .. . تري الرجال اسيوف والفرق شاسع به سيف للعرضه وبه سيف للحرب .. . ياصانع المعروف ماهوب معروف لاصار من عقبه سوالف ومنه ..

نعيش في غفله والأيّام عجله تطوي سنين العُمُر طي الصحايف .. . ونسعى ورىٰ الدنيا لنا نفوس وجله من الطمع ماحد من الذَّنب خايف .. . والبعض غافل لين ياتيه أجله ومايدري ذنوبه ثقل أو خفايف .. . ومعه على المتنين إثنين لاجله مكلفهم الله يدوّنون الصحايف ..

ما بعد عسر الزمان الى تياسيرهـ لو سود الأيام تفجعنا مئاسيها .. . يالله عسى ما حصل في وقتنا خيرهـ وأيامنا القادمه بالخير نقضيها .. . حنا تحت حكمة المولى وتدبيرهـ لو كان ما نعرف الدنيا وخافيها .. . لاكن تحت دبرت الي مالنا غيرهـ كافل عبادها ومعطيها ومغنيها ..

ياجاهل أحداث الليالي على وين الوقت شين وغفله القلب عله .. . لا تأخذ الدنيا ولا تترك الدين أخذ النصيب وباقي العمر خله .. . أن زأنت أيامك هذا حظك الزين وأن شانت أخذ العز قبل المذله .. . ضيم الزمان يشيّب الرمش والعين وضيم الرجال يشيّب الراس كله ..

من مدرسة سود الليالي تعلمت إن الفرج يا بيض الأيام آتي .. . وإن الكلام أذا رخص ألزم الصمت أحيان يغني عن كلامي سكاتي .. . بالصبر لظروف الليالي تحيزمت ما يندرى وش تحمل المقبلاتي .. . إن أدبرت دنياي و أيامها شمت وإن أقبلت بعيش باقي حياتي ..

يارب أنا عبدك اللي من ذنوبه وجل يخطي ويطلبك عفوك لاتخيب رجاهـ .. . ياجاعل الآدمي دائم وطبعه عجل ويغرونه #أعداهـ من حوله بكل إتجاهـ .. . نؤمن بمايجري بحكم القدر بالسجل ولايرد القضاء مال وبنونٌ وجاهـ .. . يارب #عفوك ولطفك قبل وقت الأجل يارب تجعل لنا من نفح عفوك نجاهـ ..

عبدك وابن عبدك وناصيتي بيدك وأمرك مابين الكاف والنون ويكون .. . حنا تحت حكمك وعلمك وأرادتك يامسيرً خلقك ويامدبر الكون .. . بصدورنا زرعت خوف ومحبتك تشيل منا الخوف والأجل مرهون .. . لاكن نطلبك العفو من كرامتك ورحمتك والتوفيق والستر والعون ..

لقيت باب الأمل لهمومي مخدِر أبني به أحلام وأنسىَ كل عثراتي .. . دام الرزق بالسماء مكتوب ومقدر قررت أعيش التفاؤل كل لحظاتي .. . يبقىَ طموحي بحول الله متصدر وبقدرته جلّ هو يسمع مناجاتي .. . مهمايجور الزمن ما اضيق واتكدر لابد من ساعةٍ فيها الفرج ياتي ..

لاتأمن الدنيا هبوب و نسانيس كم غرستٍ ماتت ولا أحد حصدها .. . وأنا أليا كثرة علي الهواجيس وقامت تشابك من يميني عقدها .. . رفعت كفي مع جميع الأحاسيس بأمر الذي يسبق سحابه رعدها .. . طلبت ربي عن جيوش الخوانيس يدحر جميع همومها مع نكدها ..

صرت أتصنّع ضحكةٍ مالها ساس يعني على ماقيل ماهي صحيحه .. . وأنا ورب الكون والخلق والناس كل المشاعر في ضميري جريحه .. . وأخاف يدري بي منافق وبلّاس وابعد عن المتردّيه والنطيحه .. . والمشكله طبعي حياوي وحسّاس لو كنت والله بالفجوج الفسيحه ..

الطيّب الجاهل مع الناس #مظلوم من طيبته كلٍ عليه يتجرا .. . يتحمل #الزلة ولو عاش #محروم ماوده أنه ينفعل ويتزرّا .. . الطيبة اللي ماتفكك من اللوم وتنزلك جوف الخطا وانت برّا .. . هذي رخامة لايغرونك القوم كلٍ يحملك الخطا ويتبرّا ..

كتمت في صدري ولا ودّي أبوح عن مايجول بخاطري كل ليله .. . تفادي لهرجت منافق ومشفوح اللي على الغرّات يومي شليله .. . أصبر ولابيّحت لو تطلع الروح دامي من اللي يرتكي للثقيله .. . والرّزق عند الله والأعمار باللوح سبحانه اللي يفعل المستحيله ..

يالله ياللي بأمرك الكون يالله ياواحدٍ بامرك تهون الصعيبه .. . أطلبك ياللي كلنا تحت رحماهـ بالجنه ورزقٍ على الله يجيبه .. . العبد في دنياه يطلب وينخاهـ مايدري المخلوق وش هو نصيبه .. . إن ماسعى في طاعه الرب ورضاهـ بكره على النيران يلقى حسيبه ..

من لايشوفك خير خله كما كان حتى بطرف العين لاتلتفتله .. . مادام مابادلك الإحسان بإحسان ولاقدر الماقف ونقضه وفتله .. . حاول تحاشى رفقته قدر الإمكان وهو يحصل له من الناس شكله .. . رفقة ردي الطبع خيبه وخسران تبقى على مر الزمن فيه شتله ..

ياكثرمن يشتكي هم الزمان وغثاهـ وياقل من يمدح ايامه وراضي عنه .. ماكل من عاش في دنياه حقق مناهـ واللي صفا له زمانه يوم لايأمنه .. . للعبد مقسوم عند الله ولازم يراهـ رزقه وعمره مسجل عنده ويضمنه .. . والناس مابين طفلٍ قادمٍ للحياهـ ومغادرٍ مستريح أو مستراحٍ منه ..