تنفس الصبح والنور ابتدا بالظهور وانا على جلسة البارح ما غيّرتها افكاري تدور والدنيا .. تلف و تدور ولا فيه ذكرى قديمه ما تذكرتها اعيش في حالة استنكار ذات وشعور وصلت نقطه غريبه ما تصوّرتها احس روحي لحقها قل جهد و فتور من كثر ما احترت فأحلامي وحيّرتها .
أذكرك وانت لا يمكن تمر وتفوت يرتسم فقدك فـ وجهي وانا كابته لا يفيد الكلام، ولا يفيد السكوت الليالي تمر.. و وحشتك ثـابته"
يارب وأنت العليم بما تكنّ الصدور أنقذني بنورك الوضاح قبل أنجرف الناس يستلطفون اللي يلف ويدور وأنا لو إني بسوي مثلهم؟ ماا أعرف ):
شين الشعور اللي ما يشرحه وزن و قاف ما تشرحه غير الدمعه اللي من اعماقي انا اعاني من الوحده و قِلّة الإنصاف واعاني من اشياء فاتت تضيّق اخلاقي و زهرة شبابي ذابلة .. والعمر طوّاف لا ماتت ماهيب تبيح من حضرة الساقي! يمرّ الكلام اللي من الشامت الجحّاف مرور الخريف اللي معه تسقط اوراقي
ضاق بي ثوبي، وضاقت بي وساع الفجوج وبان تأثير المجامل على نفسيتي أتصبّر، وأدفر الضيق بالسجّه، وأدْوج ما أبغي العالم تلاحظ على شخصيتي صرت أجنّب ضولة الناس، وأعاف الهروج وأتضايق من شماغي، ومن طاقيتي ودي أسجل من الحزن وطقوسه خروج وأستعيد أيامي المرحه .. وحريتي .
أنا لجل الطموح اللي يقديني اعيش الحلم تغانمت الحياة وعشتها عن رغم ما اكره وأنا لولا الطريق اللي سلكته في سبيل العلم رفضت احيا على شفات الأماني احتري بكره
بعد بانت سعاد .. وحضرتك للحين ما بينت تهيم النفس لـ دروب الملامه ماهي بـ طربه حضورك لو كسر ظهر الغياب وعقبها ما لنت هجر طير المحبه غصن وصلك وأعتنق سربه اسولف لك عن الغربه وانا مالي وطن غير انت انا لو بيني وبينك جدار .. احس بـ الغربه
أعاند النفس واقنعها بما لا تريد والنفس لا اقنعتها بالصدق زعّلتها طبيعة النفس عن منوالها ما تحيد لو اني اقدر على التبديل بدلتها يا راعي الصدة اللي ما سبقها وعيد متخيلٍ كل شي .. وما تخيلتها لا تحسب إن الرسايل عالقه فـ البريد أنا كتبت الرسايل بس ما ارسلتها
الليله الليله بغيت اموت من حر الوداع حتى صلاة العصر مرتني ولاصليتها واستغفر الله من كلامٍ لايقال ولايذاع يارب لاتغضب وتغفرلي الى عديتها اخاف من يومٍ يضيق الكون من عقب اتساع واخاف ربي لا يحاسبني الى مديتها لكن عندي مشكلة خرسٍ مظاليلٍ وساع عيت تخليني على الدنيا ولا خليتها…
"انقطع وحبال الأخبار من دونه قصار والله مدري هو تحت الارض ولا فوقها" - سعود الشطيطي
ودّي من الضيقة آخذ خويٍ مايبور كل ماحيّرني الوقت أنبّه و آزهمه أنا وين ووين داعي السعادة والسرور تالي الأيام صارت حياتي مبهمه ماقدرت أحرّر الصدر من ضيق الصدور ولا قدرت أظهر شعوري ولا أحتلت أكتمه ! الظروف صعبه .. ومعقده باقي الامور أنا متشتت ولا عندي أي مقدّمه
United States Trends
- 1. $CUTO 8.112 posts
- 2. Northwestern 4.885 posts
- 3. Sheppard 2.598 posts
- 4. Denzel Burke N/A
- 5. #collegegameday 4.441 posts
- 6. Jeremiah Smith N/A
- 7. $CATEX N/A
- 8. DeFi 108 B posts
- 9. Broden N/A
- 10. Jim Knowles N/A
- 11. Jahdae Barron N/A
- 12. #Caturday 8.767 posts
- 13. #Buckeyes N/A
- 14. Ewers N/A
- 15. Renji 5.479 posts
- 16. #SkoBuffs 2.458 posts
- 17. Wrigley 2.833 posts
- 18. $XDC 1.624 posts
- 19. Jayce 98,9 B posts
- 20. #MSIxSTALKER2 7.056 posts
Something went wrong.
Something went wrong.