Saio interesgarria gaurkoa. Erronka garrantzitsuak ditugu, eta urrats esanguratsuen inguruan ari gara. Herria egiten jarraituko dugu. Mila esker, @zuribia, gurera etortzearren. Bidea egiten jarraitzen dugu!

Ez baita hasierako urratsik gabeko bide oparorik... Ondarea berreskuratzeko eta balioan jartzeko ariketa ederra egin du ULMAk. Hamarkadaz hamarkada doan lekukoaren zati bat ere jaso genuen. Gaurko Oñati ulergaitza litzateke ULMA barik, ULMA Oñati barik litzatekeen moduan.

III. Kongresuari lotuta, @ehbildu|ren Gipuzkoako Herrialde batzarra izan dugu prozesuaren lurreratzeaz eta aurrera begirako erronkez jarduteko. Erronka garrantzitsuak ditugu. Gura moduko erantzuna eman gura diegu. Horregatik, proiektua sendotzen jarraitzen dugu. Aurrera goaz!

Unibertsitatea zaharberritzeko lanak hasi dira. Bestelako urratsak ere etorriko dira. Turismo bulegoa bertara eroan eta ikasketa gelak sortzeko lanean ari gara Udalean, herriko beharrei erantzun egokia eman eta espazioaren erabilgarritasuna indartzeko. goiena.eus/oinati/1729084…

Urteak dira Oñatin energia berriztagarrien bideari ekin geniola, iraunkortasuna, autosufizientzia, bidezko eredua... erdigunean. Ez da urratsik soberan. Energia komunitateak sortzeko bidea errazteko bitartekoak eskaini ditugu berriki Udaletik. naiz.eus/es/info/notici…

Bartzelonako Clinic ospitaleko Erradiologia departamentuko buru den Laura Oleaga Zufiria oñatiarraren hitzaldiak eman zion hasiera Oñatiko Esperientzien Gelaren ikasturte berriari. Oso interesgarria. Erradiologiak medikuntza modernoan duen garrantzia ezagutu genuen. Mila esker!

'Demokrazia deliberatiboa, gizartearen aktibazioa eta gobernuen eraldaketa' izan dugu jorragai @arantzazulab|ek antolaturiko jardunaldietan. Oñatiko Udalaren esperientzia oinarri, tokiko erakundeen garrantziaz, erronkez eta honetan guztian, @arantzazulab|en aukerez jardun dugu.

Oñatin herritarren partaidetzarako mekanismoetan sakontzen jarraitzen dugu. Erronka konplexuak ditugu. Beharrezkoa da horiei behar moduko erantzuna emateko gobernatzeko eredua aldatzea, herritarrekin eta eragileekin batera jardutea. Nahi, behar eta sinesten dugulako.

Ekintzez betea izan dugu herriko jaiei hasiera emango dien txantxiku jaitsiera aurreko asteburua. Gaur, artzain txakurren nazioarteko trebetasun lehiaketa, margo lehiaketa eta bola joko txapelketa izan ditugu. Zorionak, irabazle eta parte hartzaileei!

Lainoek norantz egingo zain, gaurko ekintza guztiez gozatu ahal izan dugu. Atsolorra, erraldoien kalejira, haurren danborrada, correfoca... Txantxikua ez da jaitsi, baina herria hasia da jai giroan. Zenbat jende lanean... Izugarria.

Aloña Mendiren 75. urteurreneko ekitaldi nagusia izan dugu herriko plazan. Izugarria, egindako bidea, jende askoren ahaleginaren fruitu. 14 sail, 2.400 federatutik gora, 270 teknikari, ehunka boluntario... Ospatzekoa, egindakoa, eta, ospatzekoa, egiteke dagoena. Aupa Aloña!

Selma Huxley Barkham ikerketa bekaren IV. edizioko lana aurkeztu dugu: 'Oñatiko fabriketan emakumeen (ezinbesteko) lana'. Zorionak, Edurne Iriondo Plaza, gure herrian emakumeek fabriketan egindako lana ikusarazteko beka lortzeagatik.

Urrats berri bat ahanzturaren kontra. Gerra Zibileko haurren argazkiekin egindako liburua eta erakusteka aurkeztu ditu @Intxorta1937KE|k. Beste behin, izugarria egindako lana. Beharrezkoa.

'Demokraziaren Berrikuntza' jardunaldien aurkezpen prentsaurrekoan izan gara, Bilboko Euskalduna Jauregian. @arantzazulab|ek antolatuta, gobernantzarako era berritzaileak izango dira berbagai (tartean, Oñatikoak) urriaren 9tik 11ra, Bilbo eta Arantzazun. berria.eus/euskal-herria/…

Energia Berriztagarrien Komunitateak sortu gura dituzten herritarrei bitartekoak eskaintzen jarraitzen du Oñatiko Udalak. Gaur izan dugu lehen saio irekia, eta herritar ugarik egin dute bat hitzorduarekin. Iraunkortasunean eta trantsizio energetikoan ez da urratsik soberan.

Oñatiko jaietarako antolaturiko egitaraua aurkeztu dugu. Askotariko hitzorduak, herritar guztion eskura. Ez da aspertzeko tarterik izango, ez horixe. Beste urte batez, eskertzekoa, herriko eragileen lana. Guztion artean egiten dugu Oñati bizi.

Beste urte batez, ederra Oñatiko Mendi Martxa. Gozatu dugu, bai! Ibilbidean zehar, paraje paregabeak eta lagun ezin hobeak. Eguraldia lagun izan dugu, gainera. Eta antolakuntza paregabea. Sekulako lana dago hemen. Nabari da. Mila esker, boluntarioei!

Urteetan zehar euskararen alde egindako lana aitortu diote Ruper Ordorika abeslari oñatiarrari Abadia sariarekin. Zenbat doinu eta hitz sorta, istorioz eta historiaz josirik. Luzea da zerrenda. Luzea, euskararen alde egina duzun bidea. Zorionak, Ruper! Merezitako aitortza!

Gaurkoa, egun berezia da Arantzazurentzat, Oñatirentzat eta Gipuzkoarentzat. Urtero lez, bertan izan gara. Herrikide ugari bertaratu dira batekoendako eta bestekoendako horren berezi den txokora.

Euskal Diasporaren Eguna egin genuen atzo Oñatin, Boiseko Unibertsitateko ikasle eta irakasle talde bat herrira etorri zenetik 50 urte igaro direnean. Ikaragarria, Boiseko lagunekin bizitakoa. Abentura hark badu jarraipena. Mila esker, hitzorduan parte hartu zenutenoi.