Similar User
@SAOUD344
@KhalidSunitan
@AsfAsd98a
@M8iPc
@MrzwqAlhyswny
@R3nWwhpMr6KUhbP
@abotamer33221
ياطيب رجلٍ ماتغير بطبعه سمح النبا للناس طلقٍ حجاجه طول الدهر ماشان في وجه ربعه ولاشفت له بين الرفاقه لجاجه مثل القراح اللي من الجٓمْ نبعه يفرح ليا جيته تبي منه ،، حاجه هذا هو اللي له مقامٍ ،، وسمعه لو شان وقته ،، ماتغيًر ْ مزاجه #سعود_عايد_العلوي_الحربي
هاذي هي الدنيا من الله خلقها على الشقا والهم والحزن والضيق ماطاوعت للي بحبه عشقها والله جعلها فتنةٍ للمخاليق ولافيه شخصٍ في حياته وثقها معروفةٍ دايم بنقض المواثيق #سعود_عايد_العلوي_الحربي
يامن تحب الخير وتدور الخير أحفظ صلاتك يسْعَد الله حياتك حافظ عليها لايجي منك تقصير كانك تبي من كل شرٍ نجاتك في فعلها تحْصَلْ على كل تيسير وفي تركها خسران والخير فاتك ياما بها تملك معزه ،،،، وتقدير والخير كله دايمٍ في صلاتك #سعود_عايد_العلوي_الحربي
لاتقول أن الخطا غصبٍ عليك تفعل المحذور وتبرر خطاك كيف تعصى واحدن ماله شريك مستمر بغلطتك تتبع هواك لاتعيب الناس وانت العيب فيك أشكر اللي دوم من فضله عطاك الكريم اللي على الحق إيهديك وان طلبته ...حاجةٍ حقق رجاك #سعود_عايد_العلوي_الحربي
واصل طموحك وانتبه لا تراجع الجد والأخلاص يثبت نجاحك والصبر هو طب الألم والمواجع خله معك ...دايم يزيد أرتياحك ولاخير باللي ...عن مباديه راجع واعرف ترى بالدين يبقى صلاحك وصبرك على الاقدار لك حل ناجع هو السعاده ...كان تبغى فلاحك #سعود_عايد_العلوي_الحربي
حافظ على دينك وسنة نبيك من قبل يومٍ ماتفيد التحاسيف تلقى السعاده في محبة وليًك وان طعت للشيطان شفت التكاليف أحذر تمادى بالجهاله وغيًك عجًل بتوبه لايجي منك تسويف #سعود_عايد_العلوي_الحربي
. ثلاث للرجال عــــــــزن وهيبه الطيب والنخوه وفعل الجمايل وثلاث للرجال نقص ومعيبه البخل والنمه وسب الحمايل الرجل يرفع قيمته زود طيبه ومن رافق الانذال شاف الهوايل ومن يظلم الاجواد رادن نصيبه والطيب يلقى في جميع القبايل #سعود_عايد_العلوي_الحربي
يالله يامعطي بلا عد واحساب يارازق المحتاج من غير منّه ،، ياشاملٍ فضلك على كل من تاب يافارضٍ بالدين واجب وسنه ،، كم واحدن يرجيك تفتح له ابواب ياعون من يشكي ظروفٍ حدنه ،، أنت الذي دايم بك الظن ماخاب رجواك يارب... المخاليق جنه #سعود_عايد_العلوي_الحربي
الناس ماهم ...بالصور والمظاهر الناس بالأفعال .. تحكم عليهم فيهم رجالٍ مثل...: غال الجواهر وناسٍ تضيق صدورهم لا تجيهم والطيب في وجه المناعير ظاهر دايم وتلقى... منبع الخير فيهم #سعود_عايد_العلوي_الحربي
لو صكوا البيبان كل المخاليق الباب من عند الولي دوم مفتوح الواحد اللي يَفْرج الهم والضيق محيي العظام بقدرته خالق الروح حلاّل عسرات... الأمور المغاليق علاّم مايخفى.... وماكان باللوح يارب تجعل.... فالنا كل توفيق واكتب لنا اللي فيه يارب مصلوح #سعود_عايد_العلوي_الحربي
ارفع مقامك... فوق لاتتبع الهون من عاش في حب المراجل عشقها ومن عاش بالدنيا على الذل مغبون كم حاجةٍ في .... خاطره مالحقها والعز والتوفيق... من خالق الكون والنفس يكفل .. رزقها من خلقها والله هواللي عنده الرزق مضمون والرجل... في درب المناعير سقها #سعود_عايد_العلوي_الحربي
حنا بيوم يعتبر عيد الأسبوع اللي تميّز في جميع الفضايل فيه الدعاء من خالق الكون مسموع في ساعةٍ نصت عليها الدلايل اليوم جمعه والعمل فيه مرفوع لا تتركون الخير .. والعمر زايل وصلوا على اللي دوم بالخير متبوع اعداد ماهلت مزون المخايل #سعود_عايد_العلوي_الحربي
لاشفت مبلي لاتشمّتْ بحاله أطلب عسى المعبودللخير يهديه كم واحدن يبلى بحاله وماله والله يصيبه بالبلاء رحمةٍ فيه تكفير لذنوبه وخيرن يناله وليا صبر من كل شرن إيعافيه والله هو الرّزاق... جلا جلاله يمنع ويعطي كل الارزاق بيديه #سعود_عايد_العلوي_الحربي
دنياك هاذي مابها شخص مرتاح من خلقة الدنيا إلى يومنا اليوم مهما بها تلقى ملذات وافراح لابد من يومٍ به أحزان وهموم مافات فات ولارجع ماضين راح والرزق من رب المخاليق مقسوم واطلب كريمٍ خالقٍ كل الارواح وابعد عن الحسّاد والحقد واللّوم #سعود_عايد_العلوي_الحربي
حنا بيوم يعتبر عيد الأسبوع اللي تميّز في جميع الفضايل فيه الدعاء من خالق الكون مسموع في ساعةٍ نصت عليها الدلايل اليوم جمعه والعمل فيه مرفوع لا تتركون الخير .. والعمر زايل وصلوا على اللي دوم بالخير متبوع اعداد ماهلت مزون المخايل #سعود_عايد_العلوي_الحربي
سبح وكبر كل مااصبحت وامسيت واستغفرالله كل لحظه وساعه واخشع ليا منك بالاوقات صليت وعليك بالإخلاص في كل طاعه وإن طعت ربك فزت باللي تمنيت واصبحت لك عنده قبول وشفاعه وعجل على التوبه ليا منك اخطيت وخلك بها الدنيا كثير القناعه #سعود_عايد_العلوي_الحربي
لاتشَمّتْ وانت بالدنيا غني صحتك لا هنت هاذي كافيه كان ودك في حياتك تهتني أطلب الله لك تدوم العافيه لا تشكّى وانت في عيشٍ هني والله أعلم بالأمور الخافيه القناعه .... كنز فيها تغتني وخل عندك دوم نيه صافيه #سعود_عايد_العلوي_الحربي
الصحبه اللي ماتسرك وتنفعك ان طعتني ياطيب الفال دعها لاصار ماهي دوم للخير تدفعك خسارةٍ لاهنت ... ممشاك معها صاحب رجالٍ مع هل العز ترفعك مني نصيحه.. يابن الاجواد طعها اسلك طريق عن هل الشر يمنعك وصداقةٍ ماتجلب .... الخير بعها #سعود_عايد_العلوي_الحربي
يافارج الشـدات ياخالق الكون يالواحد اللـي كاملٍ فـي صـفاتك . انت الـذي موجود والخلـق يفنون كل البـشر تحتار فـي مـعجـزاتك . يامعطي الجنه لك الخلق يرجون كلٍ يبـي فضلك وزود احسناتك ربن كريم وعندك الرزق مضمون مالك شبيهٍ في صفاتك وذاتك #سعود_عايد_العلوي_الحربي
كلٍ يبي له ....في حياته سعاده واسعد بشر من خاف ربه وطاعه اللي قضى وقته ...بصبر وعباده واصبح.. بهالدنيا كثير القناعه ومن يشكر الرحمن بالخير زاده والدين هو راس الفخر والطماعه #سعود_عايد_العلوي_الحربي
United States Trends
- 1. Chiefs 127 B posts
- 2. Josh Allen 50,3 B posts
- 3. 49ers 39,3 B posts
- 4. Niners 7.736 posts
- 5. Mahomes 35,2 B posts
- 6. Geno 33,3 B posts
- 7. Super Bowl 18 B posts
- 8. Bo Nix 15,7 B posts
- 9. WWIII 99,7 B posts
- 10. #KCvsBUF 20,5 B posts
- 11. Falcons 20,1 B posts
- 12. Seahawks 27,2 B posts
- 13. Broncos 33,9 B posts
- 14. Chargers 17,7 B posts
- 15. Kyle 46,2 B posts
- 16. Steelers 128 B posts
- 17. Paige 19,2 B posts
- 18. 72 Dolphins 1.191 posts
- 19. Ravens 87,7 B posts
- 20. Bears 116 B posts
Something went wrong.
Something went wrong.